Dt 2nd Dec 2012 issue

BIBLE SOCIETY PAWIMAWHNA
Rev. B. Thangchina

Bible Society pawimawhna hi thlir zau lovin Mizoram Kohhrante leh Mizo mipuite tan pawh a pawimawhzia a tlangpuiin i ngaihtuahho ang u.

    1. Kohhranhote tan a pawimawh :  Mita hmuh theih hmanruaah chuan kohhranhote tana pawimawh ber chu Bible hi a ni i ti tawp mai ang. Ringtu mimal leh chhungkaw tana pawimawh ber pawh Bible hi a ni a. Lal Isua ngei pawhin Bible hmangin Setana a hneh a, Tirhkoh Paula pawhin ‘Thlarau ngunhnam Pathian thu’ a ti a. Tunlai tawng chuan silaimu an ti reng a ni.  Missionary-te hian a pawimawhzia an hrechiang a, Bible letling hmasa leh letlingtu tam berte chu Missionary-te an ni. 
    Mizo tawng pawhin kum 1895 khan Sap Upa leh Pu Buanga te chuan an let tan a, kum 1898-ah Bible Society-in London-ah Chanchin Tha Luka leh Johana an chhu a, chu chu Mizo tawnga kan neih hmasak ber a ni. Kum 1899-ah Tirhkohte Thiltih an chhu leh a, New Testament kum 1926 ah min chhutsak leh a. Kum 1959-ah phei chuan Bible pumpui min lo chhutsakin tlangzarh (released) a ni ta a. Revised Edition te, Study Bible te thlengin chi hrang hrang min chhutsak ta a. Chuvangin Bible Society hi  Kohhran mamawh ber min supply-tu a ni a, ngaihhlut tur leh ngaih pawimawh hle tur a ni. Kohhran tan a tangkai em avang hian ‘Kohhran chhiahhlawh a ni e’ an ti fo reng a ni.



    2. Mizote tan a pawimawh : Mizote hi hnam chi hrang hrang, tawng bil nei thliah kan lo ni a. Bible hian tawng inang tlang (tawng khat) ah min hruai khawm a, chu chuan inpumkhatna min siamsak bawk a. Chuvangin, Mizo inpumkhatna (unity)  siamtu chu Bible hi a ni. Tin, Bible avang hian Mizotawng hi India ram tawng hrang hrang pawm zingah chhiar  tel phah a ni a. Mizote zirna lam (education)-ah remchanna leh awlsamna min neihtir  a, Mission rawngbawlna thlengin kan tangkaipui hle a ni. Literature lamah  min thantir nasa hle bawk.

    3. Chanchin Tha hrilnaa tel vena remchang tak a ni :  Mi zawng zawng tel theihna leh remchang a ni. Mahni ngei inthawh pawhin, thilpek pawhin, tawngtai pawhin, midang leh thil dang hmang pawhin, thil nung leh nung lo hmang pawhin Chanchin Tha khawi hmunah pawh, eng tawng pawhin, tu hnenah pawh kan hril thei a ni. Heng avang hian China, Romania leh Russia ramahte nasa takin ringtu an pung a, Kohhran tam tak din a ni.

    4. Kristiante leh Kohhranhote thawhhona lian ber leh inlungrualna ber a ni :  Bible Society hi Missionary Society a ni a, amaherawhchu Missionary Society dang anga hma zau taka la a ni lo va, tum (aim) pakhat chiah  Missionary rawngbawlnaah hian a nei a, Bible lehlin, chhutchhuah leh semdarh hi a ni tawp mai. Chuvangin a hmingah Bible Society tia a lo chawi hi a inhmehin a mawi a ni. Kan Lal Isuan, “Khawvel zawng zawngah kal ula, thil siam zawng zawng hnenah chuan Chanchin Tha hi hril rawh u,” a tih hi tihhlawhtlin a tum a ni.
    1) Khawvel  tawng 6500 hnenah anmahni tawng ngeia Pathian hmangaihna thu hriattir, chhiartir leh rintir a tum a. Tawng 2500 vel tihhlawhtlin a ni tawh a, tawng 4000 vel zet hmabak a la ni.
    2) Tawng 2500 velah chuan Bible pumpui nei chu 500 emaw vel chauh kan la awm a, tawng 200 vel chu a kim lovin an la nei. A nei tawhte tan chhut nawn leh a ngai fo thin - hmanraw pui ber a nih avangin. Hmalak tur a la tam lutuk.
    3) India ramah pawh tawng 1650 chuang a awm a, tawng 250 velin anmahni tawnga Bible lehlin a ni tawh a, a pumpuia nei chu tawng 50 vel chauh kan ni awm e. Chung zingah chuan Mizo mi tlem te si kan tel teh tlat hi Pathian khawngaihna liau liau, kan Missionary Sapte kaltlanga kan dawn a ni. I lawm ang u, Bible Society-ah hian i tui ang u.

    5. Pathian thiltih mak lanna nasa tak a ni : Bible Society rawngbawlna avang hian Pathian thiltihtheihna mak takin kawng hrang hrangin a lang a. i) Mi sang tam takin Pathian an ring a, kohhran a ding. ii) Mi tam takin taksa damna an chang. iii) Mi tam takin hlawhtlinna an hmu. iv) Mi tam takin tisa leh thlarauvah malsawmna an dawng.  v) Mi tam tak mak tih a hlawh. vi) Mihring leh hring lote pawh Chanchin Tha an hriltir. vii) Kohhran leh rawngbawlna dang pawhin an hlawkpui zel.

    6. Bible Societry rawngbawlnaa insenso hi thil tha lama insensona a ni a, malsawmna double a ni : Hemi  lamah hian nasa zaka hmalak tur a ni a, midangte pawh duhsak a, a thatzia leh tulzia te, insensona tha leh hlawk a nihzia te midangte hnena duhsak taka hril zel leh sawm zel tur kan ni e.

    7. Ringtu tan tih theih a ni :  Pathian tana duhna leh tumna a hlawhchham ngai lo, Lalpa’n a tihsak thin.

VAWIIN WORSHIP PROGRAMME

Pathianni zing        :  Nau Hlan (Bialtu Pastor)
Pathianni zan        :  Sacrament (Bialtu Pastor)
Damdawi in        :  Rbt. Dr. SR. Ngurchamliana
Nilai zan  (5.12.12)    :  BMP Inkhawm  
Inrinni zan (8.12.12)    :  Rbt. H. Lalrintluanga

VAWIIN BMP FELLOWSHIP PROGRAMME
A hun    :   2nd Dec., 2012 (Sunday) @ 1:30 PM
A hmun    :  Fellowship Room, Jubilee Building.
Hruaitu    :   Pu Sailova Sailo
Thuzir    :   Zirlai 10-na

BMP THLA THAR INKHAWM PROG.
A hun            : 5th December, 2012 (Nilai zan)
Hruaitu            : Pu R. Vanlalrema
Thawhlawmm khawntu    : Pu PC. Lalzuala
Thuchah sawitu        : Pu PC. Lalrothuama

  

TUALCHHUNG KOHHRAN THU LEH HLA   

Decenber thla kan lo chuangkai leh ta a, tun thla chhunga Biak ina chanvo pawimawh chang turte chu hengte hi an ni :
Inkhawm Hruaitu : Upa K. Laliantluanga, Upa C. Lalnunmawia & Upa C. Remmawii.
Deacons : Upa R. Lalramngena, Rbt. Sangmawia Poonte & Rbt. B. Rosangzuala.
Ushers :  Pu R. Zosangliana (Leader), Pu Zorammawia (Asst. Ldr), Pu Malsawma Murray, Pu Ngurzidinga Sailo, Pu R. Lalduha, Tv. Lalbiakmawia Renthlei, Tv. Benjamin Lalrinpuia, Pu K. Rodingliana, Pu H. Lalrinawma, Pu Lallianzuala Khenglawt, Pu R. Lalniliana, Pu Tlangmawia Sailo.
Khuangpu : Upa K. Sapchhawna (Leader), Pu V. Dorikhuma, Pu H. Lalhmachhuana, Rbt. C. Lalengzuala.
Keyboardist :  Pu C. Lalruatpuia & Pu K. Lalthanzauva.
Power & Mike Duty : Pu B. Lalrinthanga, Pu V. Dorikhuma, Pu Lalramhluna Renthlei, Pu P. Lalzuitluanga.

    Vawiin December 2 hi Sunday School kumtawp exam ni a ni. Zirtirtu leh Zirlai hming ziak zawng zawngte chu exam vek i tum ang u. Exam zawng zawng chuan lawmman an dawng vek dawn a, mark 85 (honour) hmu chin chu lawmman hran siam a ni bawk ang.

    Vawiin Sunday School exam zawh hian haw lawk lovin Baptisma chan chhunzawm nghal tur a ni e. Kohhranhote Baptisma channaah hian inkhawm theuh i tum ang u.

    BKHP Chanmari Unit chuan Dt. 8.12.2012 (Inrinni) hian nilengin Unit pum huap Fellowship, ruai nen neih an tum. Hemi atana mawhphurhna/chanvo hrang hrang an pekte chu tihlawhtling theuh turin an ngen a, BKHP member-te kim taka tel theuh turin an ngen nghal bawk a ni.

EDITORIAL: BIBLE SUNDAY
    Vawiin  hi ‘Bible Sunday’ a ni a, Kohhran ni pawimawh a ni. BCM Hqrs. ruahman ang chuan chawei kham inkhawm thupui atan ‘Pathian Thu chu a nung’ (Heb. 4:12) a ni ang a, zan inkhawm thupui atan ‘Pathian Thu chuan thil a ti thei’ (Heb. 4:12) tih a ni ang; thuchah pawh heti lam hawi hian ngaihthlak beisei a ni. Inkhawm thawhlawmte hi Bible Society pual a ni bawk ang.
    Bible hian do hlawh hle thinin tichhe thin mahse, lehkhabu hralh tam ber a la ni fan. Thu nung a nih avangin hnehtu a ni zel. Hei hi hria ila :
  1) Bible hi Pathian thawkkhuma ziak, thu nung a ni
  2) Nun nei lote tan nunna a ni.
  3) Nun chau leh beidawngte tan tinungtu a ni.
    Tin, Thiltihtheihna leh Pathian Thu hi inkawp tlat a ni a, ‘Ni rawh se’ a tih chu engmahin a dal thei lo a ni. Chuvangin, hei hi kan rilruah chiang ila :
  1) Pathian Thuin engkim a siam a ni. A tirin thu a awm, thu chu Pathian a ni.
  2) Pathian Thu chu thutawp a ni. A thu pakhat pawh chatuanin a ral lo vang.
  3) Thiltihtheihna a nei. Ringtute tan ralthuam famkim a ni.

      BIBLE SOCIETY LOCAL COMMITTEE
             BCM CHANMARI, LUNGLEI
1. Kum 2012 atana Planning tihhlawhtlinte :
    i) Certificate nei chin 80 tlin tum (Tlin zat - 169)
    ii) Bible Society Report chanchinbu 2 vawi tih chhuah tum.(Vawi khat tihchhuah tawh a ni a, tihchhuah leh         tuma hmalak mek a ni.
    iii) Fete Inleng neih (Neih a ni a, Rs. 35245.00 hmuh a ni)
    iv) Collectors’ Annual Meeting-cum-Seminar neih tum.(Nov. 17 khan neih a ni)
2. Collection (Jan. 2012 - Nov. 2012) :
    Total collection    :  Rs. 1,41,515/-
    Fete Inleng        :  Rs. 36,245/-
3. Membership tuna dinhmun :  Chief  Patron - 29, Patron - 209, Life Member - 742, Memorial Gift - 49, Anniversary - 5, Annual Member - 3, Bible a month - 5, Bible for Russia - 1. TOTAL - 1043.
4. Kohhran Pui leh BKHP te Chief Patron an ni tawh a, BMP leh TKP te Patron an ni tawh bawk.
5. Area Planning bawhzuiin Thalai leh KNP te zingah Awareness Campaign neih a ni.
6. Bible chhiar chhuak mi 30 te hnenah kumin Bial Khawmpuiah khan cerificate pek an ni.

HRIAT ATANA THA  (BCM Constitution)1. Mizorama Missionary hmasa ber Sap Upa leh Pu Buanga ten Mizoram an lo thlen ni January 11, 1894 hi Mizoram Kohhran din ni atan puan a ni.

2. Mizoram Baptist Kohhran Thupui (Motto) chu ‘Chanchin Tha mi tin tan’ tih hi a ni. BCM Biak in tinah tar/ziak theuh turin BCM Assembly 1977 in a rel a ni.

3. Baptist Church of Mizoram Biak in hming hi entirna pek ang hian ziak tur a ni :
    i) Baptist Church of Mizoram (BCM) Biak in, Serkawn.
    ii) BCM Biak in, Chanmari Lunglei.

4. Mizoram Baptist Kohhran din chhan chu - He khawvela Pathian Ram a lo zau zel a, a lo ngheh a, a lo lan fiah deuh deuh nana rawngbawl hi a ni.